九巴董事長陳祖澤當年被譽為政府計王，佢棄官從商之後，搞得九巴非常掂，但香港嘅政治生態愈嚟愈難搞，阿John噚日出席香港論壇嘅時候，坐喺台下大吐苦水，話啲立法會議員監管公共交通工具比監管政府重厲害，佢哋想靠政府幫手又冇用，真係老鼠拉龜，唔知點入手，想請教高明。
台上嘅邵善波都好同情佢，話如果要市民支持巴士加價就好難，而同六十個議員食飯會食到你嘔，唯一方法係直接向市民解釋加油價嘅影響，希望博吓同情。另一位坐喺台上嘅嘉賓羅致光就教佢學鄭大班，用公關形式凝聚民意。最後，阿John話佢會聽邵善波話同市民對話，至於會唔會見長毛，佢就唔答。
（圖）計王陳祖澤呢鋪要諗點樣說掂議員支持九巴加價，確係十分之難。
傳真︰2623-9278
電郵︰