余安安在女性雜誌訪問中大談家庭、事業與婚姻。當年她與周潤發閃電結婚、離婚，余安安說：「佢名氣咁大，我先得廿三歲，拍戲拍到累，又冇突破咪結婚囉！我同發仔相處咗九個月，好多嘢都夾唔嚟，一生咁長點捱？當時結婚，真係唔知自己做緊乜，好似遊魂咁。」
提到第二段婚姻，余安安與李萬祺結婚十六年，她表示對方的確曾對她很好，甚少嗌交，現時分開她亦不介意獨力養女，她說：「我好怪，唔鍾意求人，我冇問前夫攞錢，我從來唔問人攞錢，若果佢財政有問題，我會攞錢幫佢。」
余安安又直言來自破碎家庭，父母離異令她很感慨、遺憾，她回憶說：「我係屋企最細，爸爸最疼我，佢六十幾歲時過身，嗰陣我陀着細女，刺激過度早產。」所以她現時最珍惜與一對女兒的相處及關心她們。