財經事務及庫務局局長馬時亨噚日喺佢個專欄《財庫與你》，特別回顧兩年來嘅局長生涯同議會工作。由於「仙股事件」被人話冇睇文件，馬局長寫明：「每年就財政預算案向議員滙報的會議，可能是最具爭議及複雜性的，所以我過去兩年出席會議之前都準備充足。」
局長又講到令佢印象深刻嘅，係喺立法會回答一項有關海關打擊販賣私煙活動嘅提問。佢話由於問題涉及好多執法行動上細節，所以佢事前向有關部門詳細了解執法行動，並觀看實際個案嘅錄影帶，務求能夠盡力解答議員嘅提問。講咁多，局長都係想說明，佢已經唔係兩年前俾人笑嘅馬時亨。
傳真︰2623-9278
電郵︰