二○○四至○五年度蘋果助學金，重有一個禮拜就截止申請，成績好但家庭經濟有困難嘅學生，請把握時間遞交申請表喇！
本年度蘋果助學金自今個月六號開始接受申請以嚟，反應熱烈，大使至今收到約三百份申請表，當中有唔少學生成績突出，差唔多科科攞A，亦有好多家庭正面對失業、患病或喪親等困擾，經濟緊絀。
蘋果助學金嘅目的，係減輕清貧優異生喺書簿費嘅開支，鼓勵佢哋畀心機讀書。
大使喺度重申，今屆蘋果助學金嘅截止日期係十月四日（下周一），凡就讀本港中、小學，家境困難，又冇領取綜援金，成績同操行俱佳嘅學生都可以申請，大使前排已經向全港逾一千間中、小學寄出宣傳單張同申請表格，有需要嘅同學可以向校方查詢。
申請人亦可自行影印助學金申請表格，填妥表格後寄交「蘋果助學金辦事處」，地址：將軍澳工業邨西駿盈街八號，信封面註明「申請助學金」。
暖流熱線
電話：29908688
傳真：23702192
電郵：
網址：