大家都講緊邊個接任衞生福利及食物局局長之際，八方聽聞，老董一早已經將瑪麗醫院行政總監周一嶽個大名交咗上北京，等候阿爺拍板。
醫學界中人對於呢個消息不置可否，只係笑笑口話佢哋個界別冇咁政治化，差不多個個醫生同北京都冇乜兩句，關係良好，所以政治上應該全冇問題。
周一嶽目前身兼醫管局港島西聯網總監，資歷夠晒，當年佢曾經角逐過醫管局行政總裁嘅位置，最後敗於何兆煒手上，今次如果佢真係答應老董做問責局長，又順利批准嘅話，就真係後來居上。
其實阿董好想搵個壓得住場嘅醫生做局長，但係呢個位要睇埋社會福利同食物衞生，實在好考人，而周醫生過政治審查冇問題，但可能重有其他關要過；楊永強要走，噚日連果籃都收埋，重唔宣布新人選，豈不是又要人暫代？
（圖）周一嶽個大名聽聞已交咗上北京。
傳真︰2623-9278
電郵︰