黃家諾冷對關之琳生日

黃家諾、楊思琦、向海嵐、陳穎妍和名模陳沛嘉等，昨日出席西九龍碧海藍天的「名車博覽館」開幕禮。黃家諾被問到女友關之琳日前生日，有否跟對方慶祝時，他冷淡地說：「冇啊，各有各忙，我噚日先喺歐洲拍完時裝廣告返嚟。」問會否為她補祝生日，他說：「第日先啦，大家都忙做嘢。」

「自己出街好孤獨」
之之現正身在上海，問黃家諾會否去上海給女友一個驚喜？他說：「唔使啦，我呢幾日都有嘢做。」早前有報道指台灣媾女王倪志強搭上之之，他說：「我冇乜感覺，我自己無端端同個男仔朋友出街，又話我gay，真係好慘！冇人同我出街，自己出街好孤獨。」
此外，楊思琦表示最喜歡四驅車，但她表示駕駛年資尚淺，不敢駕車上山頂，她說：「我記得有一次拍嘢拍到三、四點，揸揸吓車釣魚，扭咗去對面線，好彩對頭車開得慢又呠醒我。」