周五就係十一國慶，冇得被人統戰者，唔可以參加國宴，都可以喺香港睇煙花。最有利觀賞位置，非雄踞中環心臟嘅新地旗艦物業國金中心二期莫屬，位居高樓層嘅金管局，肯定係煙花觀賞台首選中之首選。
據悉，金管局喺國慶日，將開放五十五樓，招待員工同家屬觀賞煙花，實行與民同樂。當日重有攤位遊戲同小食賣，不過要收錢，而所有門券收益撥捐國內山區小學，有得睇煙花又可以做善事，金管局算係喺國慶日交足功課。要親身體驗煙花在腳下綻放嘅感受，五十五樓可能未夠高，如果處身八十七樓嘅總裁辦公室，就一定得。
傳真︰2623-9278
電郵︰