容祖兒前晚以古典造型出席新戲首映，卻不敵鄭希怡的性感魚網胸圍加三吋高跟鞋，杜汶澤站在兩女之間顯得十分矮小，但他竟謂以其高度，斜眼看鄭希怡的胸部剛剛好。
容祖兒、劉青雲、鄭希怡（Yumiko）及杜汶澤前晚到尖沙嘴出席新戲《身驕肉貴》首映禮，鄭中基及有份客串的蔡卓妍都有捧場。Yumiko穿着一件開胸上衣露出內裏的魚網胸圍，腳穿三吋高跟鞋，鶴立雞群搶盡風頭，加上祖兒也穿着高跟鞋出現，個子不高的杜汶澤站在二人中間，看來更加矮小。
杜汶澤被司儀問到感覺如何，他即斜望Yumiko胸部，然後笑說：「𠵱家個位啱晒，咁樣好緊要㗎，我可以入晒戲。」
事後Yumiko笑說：「係形象師幫我搞個形象，阿澤都係搞笑啫。」對有指Yumiko搶去女主角祖兒的風頭，Yumiko即說：「冇，佢先係主角，佢今日打扮好似柯德莉夏萍呀。」對於被搶風頭，祖兒則謂：「我都好鍾意自己今日嘅打扮，Yumiko好靚呀，佢套衫好啱佢嘅型格。」
而青雲就表示他在電影中飾演一名衰格的人，他說：「係前所未有嘅，我係做番自己，我根本就係臭脾氣又衰格。」杜汶澤聞言即搶着說：「佢只不過係模仿佢朋友黃秋生，似到不堪呀。」
青雲又表示他今日就起程去印度拍中國星賀歲片《喜瑪拉雅之星》（前名印度西施），屆時他要與鄭中基上喜瑪拉雅山取景，他說：「我哋要上過萬呎山上拍攝，好彩係即日來回唔使過夜，我怕水土不服同高山症呀。」
該片一班演員昨日又出席將軍澳新都城的宣傳活動，祖兒表示母親前晚睇完首映後，非常感動，她說：「媽咪大讚我演技進步，今次同青雲、阿澤合作，同佢哋一齊做戲，映得我都好似識做戲咁。」原來該片其中一隻狼狗是青雲所有，他說：「我隻狗受過訓練，搵人教咗一個月，成幾千蚊，重貴過返學，訓練完之後真係好乖。」
採訪：馮美茵 攝影：陳偉權
