內地演員王伯昭指控謝霆鋒與張衞健假戲真打公報私仇事件，成為全城焦點，張堅庭前晚出席首映禮時說：「我唔清楚呢件事，但我唔相信佢哋會公報私仇，不過香港演員返內地拍劇，應該關心吓內地演員嘅感受，我最唔鍾意啲香港製作人員行埋就講廣東話，搞到內地演員唔知點諗，所以我規定香港工作人員喺現場一定要講普通話。」
汪明荃昨日在尖沙嘴出席香港風濕病基金會的記者會，她說：「其實拍戲意外難免，我都打傷過黃淑儀，佢眼眉重要縫針，當然別有用心做出意外就唔好啦！」
而杜汶澤前晚則說：「忠義兩難全啦，內地演員一定幫番內地人，我係香港演員實幫香港人，我唔知真相，我識得嘅張衞健係個務實嘅人，我唔信佢咁有智慧會做啲整蠱人嘅無聊嘢。」
此外，梁漢文昨日說：「我又唔在場，但係如果冇做錯，又好難叫佢哋道歉，總之就以和為貴啦，不過我都唔知佢個（屁）股力咁犀利，會坐爆人個腎。」
採訪：楊潔雯、黃君怡