英國壞孩子RobbieWilliams自從早前同新西蘭名模RachelHunter分手之後，一直未搵到合適嘅對象。不過啱啱搬咗去美國洛杉磯嘅佢，前日接受電台訪問時自爆好想同英國成人電視節目主持AbiTitmuss上床。
據英國《太陽報》報道，Robbie前日為咗宣傳佢隻新碟去電台接受DJJonathanRoss訪問，當佢知道現年二十八歲嘅性感女星Abi啱啱甩拖後就好開心，主持問Robbie會唔會追Abi，Robbie就話：「我冇打算同佢拍拖，我只係會逗留喺英國一個禮拜。不過我好想同Abi傾吓佢主持嘅節目，同埋佢嘅私生活。」之後Robbie重話好想同佢上床。
其實Abi一直係Robbie嘅擁躉，早前佢重話Robbie係佢夢想嘅雜交對象之一，Abi話：「如果我要開雜交派對，我一定請Robbie、祖迪羅（JudeLaw）同RedHotChiliPeppers嘅主音。如果要揀女嘅話，BritneySpears同花花公子女郎珍娜占遜（JennaJameson）就最好！」
另外艾頓莊（EltonJohn）早兩日去台灣表演時，喺機場大罵記者。亦有類似遭遇嘅Robbie力撐艾頓莊：「前年我去台灣時，喺禁區就有六十個狗仔隊守候，佢哋全部跟住我，搞到我進退兩難，當時我胃痛又牙痛，所以咪講粗口鬧佢哋囉！」