「滙豐為我講故事」活動踏入新階段，噚日開始，呢個節目已移師至不同地區嘅學校舉行。第一間係九龍城嘅嘉諾撒聖家學校，由滙豐嘅投資管理亞太區行政總裁裴布雷（Blair）負責講故事，內容係講述元朗一條叫Gucci嘅鱷魚，去到元朗發生嘅事。聽完故事後，有同學仔即時問Blair，「你鍾意鱷魚嗎？」佢就話：「我好鍾意鱷魚，只要我哋唔係好接近」。而Blair自己就無「特登」去元朗睇鱷魚。
雖然噚日係Blair第一次向咁多同學仔講古仔，但係佢其實已接受咗好長期嘅訓練，事關佢有一對仔女都成日聽Blair講古，重因此培養咗佢哋讀書嘅習慣，佢對仔女𠵱家分別係十三同十一歲，平均每個禮拜都睇成五、六本書。
Blair靜靜雞話畀八方知，原來幾年前，佢訂閱咗《Newsweek》，送畀佢個囝囝做聖誕禮物，唔好以為細路仔一定唔鍾意，佢話囝囝不知幾like呢份禮物，重成為忠實讀者，近日佢睇到雜誌介紹《達文西密碼》，重即刻話要買本嚟睇㖭！
傳真︰2623-9278
電郵︰