過去十二年，黎女士一直獨力照顧四名子女，五口靠綜援金生活。及至去年，子女已相繼出身，她遂主動脫離綜援行列，自力更生。「我搵到一份喺飯堂洗碗嘅工，總叫自己搵自己食。」四十八歲的黎女士說。
正當黎女士以為可以展開新生活之際，卻突然遭逢橫禍，三個月前，她不慎在街上摔倒，弄傷左腳膝蓋，至今還未復原。「醫生話我傷咗韌帶，手尾好長，𠵱家我隻左腳冇乜力，行路跛吓跛吓。」
自從受傷之後，黎女士一直未能上班，由於復工之日遙遙無期，她被迫辭職，經濟隨即陷入困境。「我幾個仔女都係做散工，佢哋自己都搞唔掂，邊可以顧我；細仔讀緊書，重要我養，𠵱家我冇咗份工，就等於冇飯開。」黎女士歎道。
由於家無積蓄，黎女士連月來靠借貸度日，欠下房屋署兩個月租金，並已收到遷出通知書。
蘋果日報慈善基金了解黎女士的處境後，即時撥出六千五百元緊急援助金，助她度過當前經濟難關。
捐款編號：C1514
暖流熱線
電話：29908688
傳真：23702192
電郵：
網址：