有「金牌莊家」之稱嘅詹培忠金勞詹重返立法會，政壇內外都等住睇佢如何同政府周旋，佢噚日喺一個電台節目度就好謙虛咁話，日後會講少啲嘢，畀機會其他議員表演，「立法會開會可能好睇過電視節目，我希望議員使出渾身解數，提供另類娛樂畀市民。」
能夠東山再起，金勞詹對入獄經歷毫無避忌，噚日話只係喺赤柱休息幾個月，重話本來想趁中秋節返赤柱探朋友派月餅，不過懲教署話如果要派月餅，就要派晒所有監獄嘅囚犯，而且已經有唔少善長仁翁送月餅，金勞詹話既然係咁，就等十月宣誓做議員後先至返去。
傳真︰2623-9278
電郵︰