【本報訊】本港僱員普遍工時過長，職工盟秘書長李卓人表示，行政長官已同意考慮在部份行業制訂最高工時，工會將會着手研究有關問題，希望先在運輸、飲食及保安業推行工時規管，最終希望遍及各行各業。有打工仔昨致電電台節目訴苦，非常懷念昔日社會簡單純樸的生活，「以前啲人開心啲」。
從事服務業的梁小姐昨日致電商台節目《政經星期六》表示，現時每日工作連乘車時間達十三小時，每個月更只得三日假期：「我返到屋企已經攰到唔想講嘢，有時想煲湯畀小朋友飲，攰到唔想煲，惟有趁假期、十日先煲一次湯……以前啲人開心啲，睇見爸爸放工返屋企，開心到抱住爸爸嘅腳，粵語長片都有呢啲現象。」
身兼職工盟秘書長的候任立法會議員李卓人表示，工會將着手研究那些行業可以最先設立最高工時，目標包括運輸業、飲食業及保安業等，最終希望可以遍及各個行業，他又認為，設立最高工時，可同時解決失業及家庭問題，政府應盡快落實。
會員機構包括二十多間跨國公司的公益企業項目總監施譚鈞屏強調，僱員工時過長，可能會影響生產力，最終反而弊多於利，例如員工會請病假，甚至辭職：「好多老闆以為咁樣嘅經濟環境唔難請人，可能薪水更低，但老闆有冇想過，員工走咗之後帶走咗啲乜，始終做咗咁耐，可能係客人嘅信任，對公司運作流程嘅熟悉。」