被稱為立法會「三大惡人」之一嘅大班，噚日透露已經同商台解約，結束多年賓主關係。佢話俾人叫做「十點前特首」後，已覺得電台個位唔多穩陣，因中國人最忌功高蓋主，做埋「特首」唔慌有運行。
大班成日話自己怕老婆，噚日話為咗補償老婆咁多年來為佢擔驚受怕，已經為佢預備咗未來二十年嘅生活費，就算佢有乜三長兩短，老婆同三個仔都唔使憂，而最頂癮嘅係主持人幫大班點咗首歌畀鄭太勞錦嫦聽，主持人唔知有心定無意，竟然點咗小鳳姐首名曲《風雨同路》畀現任鄭太聽，激到大班猛話主持人大整蠱。
傳真︰2623-9278
電郵︰