無綫最近聯同香港公益金及國際金融中心二期，在十一月七日搞「香港步步創高峰──決戰國金」跑樓梯活動。眾所周知，國金二期係現時香港最高嘅建築物，樓高八十八層，要由底跑上去跑足全程都唔係小兒科。
不過，香港真係有好多善心人出錢出力。好似公益金代表、活動籌劃委員會主席Peter王冬勝（圖），噚日同記者講，佢到時會跑十層，不過，唔知Peter今次會聯同佢公司渣打銀行嘅同事，參加「機構隊際賽」還是「皇者挑戰賽」，只可以肯定唔係「個人挑戰賽」啫。呢項活動希望為公益金資助嘅「弱智人士服務」籌得三百萬善款，加油加油。
傳真︰2623-9278
電郵︰