露宿街頭多年的志叔，上月底終於搬進公屋，日前記者特地來到他的新居探訪，只見志叔正在努力鋸木，自製雜物架。
「我以前做開裝修，都識整吓呢啲簡單嘢，可以用嚟放報紙雜物，呢啲碎木係裝修師傅用剩唔要嘅。」六十歲的志叔笑說。「呢度環境好好，同以前瞓街真係差得遠，瞓覺都安心啲。」
月前開始申領失業綜援金的志叔，以前任職地盤工人，後因年紀漸老，遂轉行送外賣，數月前失業。由於多年來收入不穩，志叔為免欠租，索性在球場露宿，其妻子及一對十多歲子女在內地生活。
直至早前社工為志叔成功申請公屋，他才得以有瓦遮頭。
蘋果日報慈善基金月前撥款二千元予志叔繳交新居按金及雜費，另外轉送善長捐贈的電視機、雪櫃、睡床及電飯煲給他，應付日常生活所需。
「有咗電視機，悶悶哋可以開嚟睇吓劇集；雪櫃就可以雪凍啲水，有時熱起上嚟，都有啖冰水飲。真係多得蘋果日報同善長幫忙。」志叔向記者喜孜孜地說。
捐款編號：C1481
暖流熱線
電話：29908688
傳真：23702192
電郵：
網址：