長毛噚日去立法會交自己嘅誓詞版本，一大班記者喺立法會門口等佢出嚟做訪問，唔知點解，有幾個自由行遊客模樣嘅男女，都無啦啦企埋一齊陪記者等，唔通佢哋都識得長毛嘅大名？
等到長毛出嚟，俾記者圍住問完又問，臨走時，忽然有一位外籍女士行埋嚟，向長毛索取簽名。佢話知道長毛係好人，為人民爭取權益，長毛則大筆一揮，寫下「民主無疆界」送畀呢位女fans。
原來呢位女士名叫MargaretPery，來自蘇格蘭，現時喺大學讀文學，今次嚟香港旅行之後先知道有LongHair呢個人，都好佩服佢，所以要攞簽名留念。
黃建通攝
傳真︰2623-9278
電郵︰