噚日一個協助患有危疾病童實現願望嘅組織──願望成真基金喺九倉個場開咗個記者會，請到中電常務董事及行政總裁包立賢出席，身為四個孩子嘅父親，佢話小朋友真係好需要大人特別照顧。
願望成真基金又請咗Cookies嘅3位成員嚟到，同大家分享吓佢哋嘅願望係乜。八方問包立賢，到底佢知唔知Cookies係乜？佢話當然知啦，咪係香港SpiceGirls囉！佢重好風趣咁問八方，Cookies嘅男朋友係唔係一樣都係踢波嘅呢？
講開Cookies，佢哋呢頭出席完慈善活動，嗰頭機場又搵佢哋迎月晚上做中秋活動表演嘉賓，當日Cookies會同一大班幼稚園學生，喺機場一齊大派月餅，fans唔好錯過！
（圖）中電行政總裁包立賢同Cookies一齊出席願望成真基金嘅記者會。
李潤芳攝
傳真︰2623-9278
電郵︰