容祖兒與Twins昨日到廣州，為慶祝MTV台登陸廣州作開幕及演出嘉賓，蔡卓妍日前出席完《新警察故事》首映後，因感冒菌入腸，被送到養和醫院留醫，她說：「今日復工，過兩日我重要客串馮德倫套《精武家庭》，不過今次都唔夠上次我拍《這個阿爸真爆炸》時暈倒入院咁辛苦。」
阿嬌之前拍打戲時不慎傷及喉嚨，更積了瘀血，但她表示在演出時會唱現場，阿嬌說：「醫生畀我食類固醇，冇嘢我哋都唔會咪嘴。」
除了Twins帶病演出外，祖兒亦患上感冒，三個病人齊集廣州，祖兒說：「我今晚會咪嘴，每個歌手錄碟都好畀心機，我哋唔想影響出場水準，歌手好怕病，歌迷梗係想睇我哋一百分嘅水準，但我出場時唔會特登交代咪嘴，講定先會好假㗎。」
採訪、攝影：馮美茵