立法會今次選舉，左派贏番一仗，八方聽講中聯辦副主任黎桂康噚日會見一批已退休嘅人大政協，重多謝大家嘅支持，中央今次因為怕民主派想變天，所以出盡全力谷票，佢哋的確做到一票不少，反而民主派就組織鬆散，不堪一擊。
雖然親中陣營贏咗，但前基本法起草委員黃保欣就認為贏得好僥倖，因為泛民主派有六成二票，親中陣營還需努力，要打平手先得。
而工聯會會長鄭耀棠就笑口話嫻姐已經返港，重話嫻姐冇乜不滿，其實喺九龍東，佢哋甚有把握取兩席，民主黨本來都有機會攞兩席，但係大班空降，剛好攞咗民主黨嘅票，冇法啦。
係人都知，左派嘅鐵票一定唔會流畀民主派，所以棠哥嘅分析尚算準確，當然佢死口都唔認有分票畀陳鑑林啦。至於行會係咪會改組？鄭耀棠話由特首決定，佢冇嘢講。
（圖）黃保欣話親中派要同民主派喺票數上打成平手。
傳真︰2623-9278
電郵︰