容祖兒（Joey）在新片《身驕肉貴》中與一隻大狼狗和一隻小狗合作，飾演寵物店老闆的她，更為小狗梳與其主人一樣的寶黛麗頭。拍罷該片後，原本愛貓的Joey見合作的小狗甚乖巧，亦愛上狗隻。
容祖兒在電影《身驕肉貴》中除了可以和偶像劉青雲合作外，更要與大狼狗和小狗合作。
戲中Joey飾演寵物店老闆，她為了追尋自己的初戀情人，而向劉青雲借了他的大狼狗，而她在尋找初戀情人期間，令青雲感受到愛的奇迹，對她暗生情愫。
Joey後來發現初戀情人已有女友，令她十分傷心，最後她更與劉青雲墮入愛河。拍畢此戲，本來愛貓的Joey亦愛上了狗隻。
Joey說：「我自己養咗好多隻貓，大家都知同小朋友或者動物做戲都好難控制，好彩狗嘅服從性比較高，所以唔係咁難控制。而我屋企養嘅貓，性格就似狗，一啲都唔高竇。我之前同隻大狗拍嘢就慘啲，因為佢好熱情，一見到我就撲埋嚟，不停咁舔我，搞到我成面都係口水。」
戲中Joey應客人要求，為小狗梳寶黛麗頭，因為小狗的主人亦是梳寶黛麗頭，Joey說：「我幫隻狗梳頭嘅時候佢好乖，冇乜點郁，所以拍呢場戲唔係好大難度。拍完呢套戲之後，我發覺其實我都幾鍾意狗。」
