鄭融前晚穿着性感短裙錄影《勁歌》，載歌載舞之際突然颳起一陣怪風，將其短裙吹起，露出香豔鮮紅打底褲，她事後笑言穿紅褲是想邪人，卻反邪自己。古巨基唱歌時甩嘴，被指給鄭融邪到應。
鄭融、古巨基、何韻詩及PingPung等，前晚到將軍澳電視廣播城錄影《勁歌金曲》，鄭融一身露腰裝襯短裙亮相，勁歌熱舞獻唱新歌《紅花會》，其間鄭融的短裙忽然被吹起，露出香豔的鮮紅打底褲，她即按着短裙，一臉尷尬繼續獻唱。
事後鄭融表示綵排時沒有風，演出時竟然颳起一陣怪風，她說：「今次真係上演咗一幕瑪麗蓮夢露紅花會呀，我綵排咁多次都冇風，唔知點解出台就有，我特登着紅褲邪人，點知會邪番自己。」
古巨基前晚擔任嘉賓主持，他主持時頗順利，但演唱時卻甩嘴，他說：「我N年前都做過《勁歌》主持，算係元老級人馬，可能我注意力集中喺主持度，真係老貓燒鬚。」有指其實基仔是被鄭融的紅褲邪到，他聞言說：「乜有啲咁嘅事咩？好抱歉我錯過咗，睇唔到㖭，不過打底褲點叫香豔呀？」
《勁歌》將於下月三日開始，改在逢周日晚上七時半播出，一直擔任主持的何韻詩表示會做到《總選》為止，她說：「我之前同監製提議過話星期三播，啲人放工都未返到屋企，𠵱家改星期日播梗係好。」
阿詩謂主持《勁歌》對出唱片影響不大，至於會否影響得獎機會，她則說：「得獎係着重歌，冇話蝕底定着數，外地啲歌手都會幫電視台做主持。」
採訪：卓寶花 攝影：陳志嵐
