娛樂圈怪事特別多，杜汶澤現時在影圈成為搶手貨，但他在亞視最霉的時候，曾經發生懷疑撞鬼事件，現時他講起仍心有餘悸。
阿澤日前說：「嗰陣我拍緊《我和殭屍有個約會》，夜晚收工之後坐小巴返西貢屋企，冇錢搭的士，要行嗰條又直又斜嘅樓梯先返到去。有幾晚連續半夜先收工，我行上樓梯時，見到前面有個阿婆，擔住把紅色遮，孭住個BB，我已經覺得好唔對路，行過阿婆身邊時，阿婆望住我，我唔理佢，行前兩步擰轉頭，阿婆唔見咗！」
如是者三晚，阿澤都見到阿婆出現，令他差點精神崩潰，他說：「到咗第三晚，我卒之頂唔順，好大聲喝阿婆話『好嘞喎！我又霉，又冇錢，又俾條女飛，𠵱家你重走嚟嚇我』，講完之後，第四晚開始，就冇再見過個阿婆，估唔到惡真係有用，連鬼都怕咗你。」