自由黨主席田北俊同副主席周梁淑怡成功喺直選出線，重保住功能兩個位畀林健鋒同梁君彥接上，真係好嘢，林梁兩人無端端執到，選都唔使選就做咗議員，你話係咪家山有福？
八方噚日喺酒會見到佢兩位笑口常開，鬼咁風騷，梁君彥重取笑林健鋒，話編佢坐喺林偉強隔籬，同長毛最近，又話佢日前宣布辭咗交諮會主席，遲吓重有嘢要辭，搞到班行家追住林健鋒問，林亦樂於答記者。
林健鋒話做咗議員之後，唔可能有時間兼任太多職位，反而會喺立法會一啲委員會做吓嘢，好似IT界佢就好有興趣。
自由黨一眾人等喺田少率領下去咗敦煌旅行，林健鋒同梁君彥冇去，反而去咗九寨溝。咦，話自己係民主派同商界唯一橋樑嘅大班都喺個度，咁有冇撞見呢？林健鋒笑住話有，重撞到好多人㖭！究竟佢哋乜關係？八方都點知喎。
（圖）林健鋒（右）同梁君彥分別喺商界同工業界自動當選，去咗九寨溝慶祝，重撞見大班㖭。
傳真︰2623-9278
電郵︰