關之琳日前接受雜誌《MuchMore》訪問，大談對愛情的睇法，她自認是個理性的人，對待愛情卻保留了一點任性，當談起戀愛時更會霸道起來，希望可以獨佔對方。
之之說：「我其實唔係一個霸道嘅女人，對朋友好理性，亦好懂得處理自己同朋友之間嘅關係，不過談戀愛時就頗野蠻，愈愛嗰個就愈要獨佔佢，幾乎連佢嘅思想同領域都想佔據。」
愛情雖然對之之來說十分重要，但她認為感情不好就根本不可能耽誤自己的年華，需果斷地解決，她說：「我會好努力去搵愛嘅感覺，遇上有好感嘅，我唔介意主動，需要時間做代價嘅猜心遊戲我愈嚟愈玩唔起。鍾意人哋不妨先同人講，最起碼我會暗示畀對方知道自己嘅心意。」
談到婚姻，之之即表現得滿面春風，她表示現階段的愛情生活稱心如意，結不結婚也不是個大問題了，她說：「大部份人對婚姻嘅理想係美好嘅，但有時候結果同理想唔太一樣，所以婚姻注定係一場賭博，要喺驚險詭譎嘅愛情裏面乘風破浪到達幸福嘅彼岸，我哋只可以靠際遇同命運嘅安排。」