民政事務局副秘書長余志穩曾經為「中產」定義，佢話淨係鍾意打麻雀嘅專業人士，就唔算係中產階級，結果俾輿論抦餐懵。講起呢單嘢，余志穩重有啲耿耿於懷，佢話當日係同行家隨口講吓啫，當然打麻雀唔係好準確嘅描述。
經過幾個月嘅思考，余志穩終於成功為「中產」搵到個定義，佢噚日出席宗教界國慶就會，就同行家講吓佢嘅新發現。佢話中產有四大指標，包括職業，入息至少三、四萬，受過專上教育或有專業資格，同埋認為自己嘅生活方式係中產，佢話啲政府就會搞個中產網頁，收集中產人士嘅意見。
（圖）余志穩（右二）噚日同一班宗教界人士齊賀國慶。
傳真︰2623-9278
電郵︰