吳卓羲、陳鍵鋒及曹敏莉等昨日到將軍澳電視廣播城出席無綫劇集《肝膽崑崙》開鏡拜神儀式。
吳卓羲早前夥拍一名赤裸上身的女模拍攝手表廣告硬照，問他可會覺得尷尬？他說：「冇尷尬，都係做嘢啫！」有傳無綫不允許他在廣告中露點，他說：「其實拍之前我都唔知要除衫，個廣告焦點係隻表，露兩點都冇意思，我之前股都露過啦，怕乜露點，全裸就話唔得啫！」
首次擔正做女主角的曹敏莉，在劇中飾演一名刁蠻小姐，她說：「我係奉旨刁蠻，所以𠵱家身邊人都錯怪我，可能我太投入角色，咁樣就有藉口畀自己。」曹敏莉首部演出的台慶劇《爭分奪秒》即將播映，她說：「嗰套《爭》係我第一套劇，我都好想睇我自己嘅演出，雖然戲份就唔係好多。」
此外，有報道指陳鍵鋒因暴曬而導致白蝕，他說：「嗰哋唔係白蝕，係汗斑，我個人好白，拍《學警雄心》之後日曬夜曬三個月，我睇過醫生，佢話我白番就冇事。」
採訪、攝影：楊潔雯
