葉璇最近徹底改變形象，由初出道的密實少女，搖身變成性感女郎，她更聘請了形象顧問代為選購衣服，所以每次出席公開場合，她都予人煥然一新的感覺。
葉璇最近改變新形象，轉行成熟而性感的路線，每次出席宣傳活動，都成為鏡頭焦點。葉璇初出道時，打扮密實，現在有感女大十八變，故來個徹底的改頭換面。
問到葉璇為何忽然改變形象，她說：「身邊好多朋友畀意見我，佢哋覺得我以前嘅形象太細路女，同年齡唔襯。最近我搵咗一位形象設計幫我買衫，佢買咗一啲啱我年紀嘅衫畀我着，結果出嚟好多人讚，我都好開心。」
葉璇表示形象設計挑選的服裝不乏性感款式，她說：「其實我喺美國成長，我都好接受性感打扮，最緊要着出嚟係靚，唔會畀人好賣弄嘅感覺就得。直至現時為止，我都好滿意形象設計幫我揀嘅衫，始終佢有一定嘅專業眼光，我非常認同。」
葉璇每季大約花費五位數字置裝，她笑說：「𠵱家有形象設計幫我打扮，我重可以慳番好多時間，可以約朋友見吓面。」
此外，葉璇即將跟林文龍合作無綫新劇《草本藥王》，她說：「我都好鍾意拍古裝，因為造型好靚。而且文龍都好戲，我哋又可以擦出火花。」
採訪：比華利巠攝影：林德雄
服裝：Kookai 化粧：DorisMak?
髮型：Chris（Hair）
