我哋個資訊科技旗艦數碼港，因為環境優美，所以成日都有人問政府租借嚟拍戲拍廣告，但其實呢個南區仙境可以有其他用途，做啲乜？就係籌款！
有IT界權威人士同八方講，數碼港個租戶委員會同埋幾個IT專業委員會，會喺十二月十二日趁數碼港商場開幕之際，搞個「健康萬步數碼港」，幫復康會籌款。
初步計劃每人只要畀二百蚊，就可以參加，主辦單位目標係搵千五至二千個IT人參加，據聞好多業界精英已經應承咗。
另外，今次籌款重會有啲中國奧運金牌得主參與，但係邊個就未知。其實，有冇金牌選手睇都冇所謂，最緊要係幫到復康會買多幾架復康巴士，大家記住支持呀！
傳真︰2623-9278
電郵︰