葉璇、利嘉兒、組合Cookies的Theresa和Kary等，前晚在中環出席BCBG時裝騷。
早前有報道指戴隱形胸圍會引起紅疹、痕癢和胸部下垂，葉璇最近獲BCBG贊助時裝，問她平時穿性感裝束時，可會戴隱形胸圍？葉璇說：「要着露背裝時，我都會戴隱形胸圍，唔擔心會引起紅疹、痕癢同胸部下垂，因為我出席活動或者工作唔會好長時間，暫時都未試過有副作用。就算用呢種胸圍，我都會保持衞生，呢啲胸圍唔會用好耐。」
來睇騷的Theresa前日二十歲生日，早前已與歌迷預先慶祝，Theresa說：「我噚日留喺屋企過咗一個好lonely嘅生日。我嘅生日願望係想買樓畀媽咪、家姐同細佬一齊住。」