吳耀漢兒子吳嘉龍和徐子淇昨日在尖沙嘴宣傳電器用品，對於早前為雜誌拍攝露股照，吳嘉龍表示接拍電影《桃色》後，心態有所改變，變得更開放，其父看過後都大讚他身形keep得fit。
吳嘉龍和徐子淇昨日到尖沙嘴美麗華酒店，出席三洋電器最新推出的DV連數碼相機宣傳活動，兩人均獲贈該部最新相機。
徐子淇笑言可用新相機扮狗仔隊，她笑說：「我好好彩，啱啱壞咗部相機就有部新嘅，試過唔見手提電話就即刻接到呢類產品嘅job。」她又透露昨日在後台與吳嘉龍追逐互拍，吳嘉龍更扮變態佬偷拍她。
早前吳嘉龍為雜誌拍攝了一輯露股照，問他拍攝當日是否被工作人員看過全相？他說：「係呀，我一企番起身就俾佢哋睇晒，佢哋嘅反應係即刻行開，重唔睬我㖭。」吳嘉龍又表示父親吳耀漢看過該輯照片不怒反讚，他說：「爹哋讚我身形keep得fit，輯相影得靚㖭，媽咪都話我patpat靚。」問吳嘉龍拍該輯照片是否為即將上映的電影《桃色》造勢？他說：「唔係，不過我自從拍咗《桃色》之後，思想係有改變，變得更加開放。」
徐子淇被問到有沒有膽量像吳嘉龍拍露股照片？她說：「唔會住啦，就算有日真係會影，都會搵個有美感嘅攝影大師影，同埋一定唔會公開，只會作為私人珍藏。」問到其男友李家誠的恒基兆業宣布加員工薪金百分之五，徐子淇聽後說：「好事吖，不過又唔係加我人工。」
採訪、攝影：JessicaNgan
