吳浩康早前因藏毒罪成被罰款五千元，但吳浩康復出歌壇未幾，便有機會在國慶晚會演出，他說：「我會好好珍惜。」
李克勤、梁詠琪（GiGi）、吳浩康、鄭希怡（Yumiko）和Boy'Z等人，昨天到尖沙嘴出席「國慶文藝晚會」記者會。吳浩康六月時因涉嫌藏有可卡因被捕，上月被判藏毒罪成，罰款五千元。吳浩康雖有過錯，但仍獲國慶晚會安排演出機會。
每年的國慶活動，出席表演的名單也須經嚴格審批，吳浩康雖然一度有傳會被公司雪藏，但今年亦有份參與國慶活動，他表示要多謝大會給予機會。吳浩康說：「可以演出實在係難得嘅機會，我會好好珍惜，努力做到最好。」會否感到星途再現曙光？吳浩康說：「未知，形象會影響成點都未知，要睇自己嘅努力，而且我都重未全面復工，等公司安排啦。近來我多咗時間同老竇行街，之前重同佢一齊睇打拳比賽。」
對於有關審批表演藝人的準則，無綫製作部經理黃家亮說：「所有表演藝人都係佢哋自己報名，之後我哋睇邊個環節適合佢哋，大會冇要求有乜準則。」記者問到黃家亮是否給予吳浩康改過機會，他說：「青春嘛。」
昨日該活動文體表演組主任的霍震霆也有到場，不過Yumiko卻遲到，本來有份出席記招的容祖兒因不在香港而缺席。當晚節目會由李克勤、容祖兒和GiGi三人與管弦樂團合作，不過昨天出席活動感冒引致聲沙的GiGi表示堅持唱現場。而關心妍則會與陳百祥任壓軸，跳貼身探戈。
另外，被指得到公司批准拍拖的Boy'Z成員Kenny說：「都冇拍過拖點復合呀？我事無不可對人言，我係有去過生日會，同佢都好熟，但都係被邀請。佢重話如果再俾人傳同我一齊，嫁唔出惟我事問呀。」
採訪：王連連 攝影：林德雄
