大市噚日雖然只係跌咗區區32點，但之前熱炒嘅國企股同埋零售股，就一反日前強勢，股價普遍在午市急回，但全世界都認為唔係加息之故，皆因個個一早預咗。
近排市場對公司業績似乎甚為敏感，若果公布業績靚兼有豐厚股息派發，股價通常都可以升到幾個巴仙，相反業績一旦倒退，投資者沽貨絕不手軟．股價分分鐘跌多過一成。
鞋股永恩（210）今日公布中期業績。經紀黃話，傳聞永恩盈利勁升，業績靚到你估唔到。
小初記得，永恩去年年底至今年初，曾經熱炒過一輪，理由係佢哋喺大陸以中低檔零售女裝鞋打出名堂，故此股價一度炒高。隻股上周有兩日突然急升，市場亦係傳出永恩即將公布的中期業績靚爆鏡，所以根本唔係新聞。永恩今日公布中期業績，好快就知今次傳聞堅唔堅。
永恩噚日微跌1.61%，收0.61元，成交股數有744萬股，金額468萬元。
慕容小初