應屆港姐徐子珊、朱慧敏、符思思同落選港姐楊施詩、沈 正因為咁，一班港姐只可以留喺食肆或門外拍嘢，唔准四圍走。徐子珊話：「好難得有防空演習嘅機會，我哋要匿喺有瓦遮頭嘅地方，我以前喺日本同美國都試過地震，我重喺電視睇過小朋友匿喺枱底度避難。」
徐子珊噚日只肯試食小籠包，掂都唔掂吓啲臭豆腐，佢話：「我頂唔順陣味，喺香港兩公尺內都聞到，將來邊個做我男朋友，我一定唔准佢食。」不過符思思就相反，重食到停唔到口。
而沈 記者王崇穎台北直擊
新城聽日會喺廣州舉行「演藝界反盜版大聯合演唱會」，有報道話張惠妹同孫燕姿開價五十萬港元，但由於主辦單位冇錢畀，所以佢哋就辭演，新城電台娛樂台台長朱明銳重話唔明歌手點解會開價演出。阿妹嘅經理人高一秀噚日好嬲咁話：「百分百沒有這件事！我們完全沒被邀請。」孫燕姿所屬嘅華納唱片高層陳澤杉話：「我們從頭到尾沒收到邀請！」
章小蕙前晚去黃埔睇《新警察故事》首映，馮仁昭八到記者話畀佢知曾同佢有錢債官司嘅羅守耀都去咗首映禮時，章小蕙顯得有啲愕然，之後記者問佢同羅守耀間財務公司嘅錢債搞掂未，章小蕙話：「幾年前嘅事重問？我唔知佢嚟咗。」佢做完訪問後，逗留十幾分鐘就走人，冇留低睇戲，唔知係咪避開羅守耀呢？
林建明噚日喺尖沙嘴出席心晴行動舉辦嘅活動時，話藍潔瑛目前重喺醫院接受治療，但就成日打電話叫大姐明救佢出嚟，同埋叫大姐明買奶茶同燒鵝瀨帶去醫院畀佢，不過大姐明話藍潔瑛留喺醫院會好啲，起碼可以依時食藥。
大姐明又話都識得尹天照，印象重唔錯㖭，擔心涉嫌鹹豬手事件對佢好有影響。
有「演唱會之父」之稱嘅張耀榮近排榮升外公，真係值得恭喜！
噚日張耀榮一個人行色匆匆咁去咗養和醫院，佢喺醫院遇上記者時亦即時報喜訊，佢話：「我個女生呀，嚟睇吓佢囉。」
張耀榮又反問記者點解會喺度，記者話畀佢知阿Sa（蔡卓妍）入咗醫院，張耀榮重笑住咁話：「咁等我入去了解吓先啦。」
無綫董事及集團總經理何定鈞噚日喺將軍澳電視廣播城頒發傑出員工獎，無綫之前話有線侵犯版權，因為有線頻道重播放埋翡翠同明珠台。不過有線停播呢兩個台後，佢哋就反指無綫經常作出針對，何定鈞話：「我哋只係一視同仁，呢個係版權問題。」講到經濟好轉，有大機構加人工，何定鈞都話好想，但要睇埋業績係點先得。馮仁昭都希望有好消息嘅！
