新鴻基地產同香港中文大學合辦「新鴻基地產諾貝爾獎得獎學人傑出講座系列」，由新地獨家贊助，每年邀請諾貝爾獎得獎人訪港，舉行公開講座，同學術界、教育界及商界研討，分享成功經驗。
中大校長劉遵義教授講，講座主題會環繞諾獎嘅六大範疇，包括物理、化學、生理與醫學、文學、和平及經濟。
今年第一年，頭威頭勢，將會請嚟兩位經濟學獎得獎人，分別係○一年獲獎嘅斯彭思教授（ProfessorMichaelSpence），同九六年獲獎嘅莫理斯爵士（ProfessorSirJamesA.Mirrlees）。
兩位學人十一月九日來港，喺君悅舉行開壇，邀請學界、金融界、大學及中學生聽講，估計招待一千人。之後會有大型公開講座，主辦單位話，諗緊喺會展搞。
新地副主席郭炳聯話，每年佢哋公司都會捐錢投放在文化同公益事務，舊年就用咗七千幾萬，至於贊助呢個諾貝爾講座系列要幾錢，佢就唔肯講。
傳真︰2623-9278
電郵︰