名模周汶錡昨日往中環示範佳士得秋季拍賣會部份珍貴展品，其中估價最高的一枚緬甸天然紅寶戒指，高達一千二百萬港元。周汶錡昨日表示希望在佳士得競投鑽石耳環，也想佳士得看在她多次擔任示範模特兒的份上，免收她佣金。
佳士得拍賣行秋季拍賣會昨日在中環舉行，由名模周汶錡示範。周汶錡示範的重點展品中，包括有近年拍賣史上罕見的天然紅寶石戒指、由名師Etcetera設計的水滴形天然珍珠耳環，特別之處是除了珍珠大顆以外，配上碧璽及貝母更顯矜貴。
另外一件於一七六○年製、由象牙及瑪瑙製成的扇子，做功精細，扇骨位置有雕花、中間位置則為一枚陀表，背後位置則是一個小煙盒，都是難得一見的珍品。
周汶錡昨日亦表示最欣賞古董扇子及天然緬甸紅寶戒指，她說：「戴嘅時候其實好緊張，驚整花嘛，容乜易佢哋叫我買咗佢呀。另外套翡翠都好靚，因為亞洲人皮膚夠白，好啱戴翡翠，有時去隆重場合都唔使吓吓戴鑽石嘅啫。」
問周汶錡有否鑽石珍藏？她說：「我冇乜㗎咋，我都係戴啲新款飾物，有時重鍾意自己落手落腳DIY，好似將兩條手鏈駁成一條頸鏈咁。不過我都有個願望，希望可以喺佳士得競投一對鑽石耳環，希望佢哋睇在我長期幫佢哋示範，當係長期服務金又好，免收我佣金啦，同埋最好以底價投得啦。」
採訪、攝影：DebbieLum
