終審法院首席大法官李國能一行應最高人民法院嘅邀請，訪京四日，重獲國家副主席曾慶紅嘅接見，曾副主席重話好關心香港嘅司法制度。
中央關心希望係好事啦。李國能今次同埋陳兆愷、馬道立、彭鍵基、朱芬齡、馮驊以及李瀚良一齊上京，可謂聲勢浩大。李國能噚日重喺中國人民大學向法學院嘅學生演講，題目係「香港特別行政區的司法制度」。呢瓣肯定係李官嘅強項，亦係佢最鍾意講嘅題目，佢一方面向人大同學解釋香港司法制度如何獨立透明，又提及特區面臨嘅挑戰，最後佢最想同學明白法治同法律嘅重要性，叫啲同學唔好以物質同金錢作為唯一目標，要抱有維持法治嘅理想，為祖國人民服務。
傳真︰2623-9278
電郵︰