無綫劇集《金枝慾孽》口碑甚佳，昨日該劇演員接受《都市閒情》訪問。節目內，不少家庭觀眾致電，讚黎姿演戲大有進步，亦有觀眾覺得鄧萃雯飾演的如妃，非常可憐。
黎姿表示觀眾對其演出刮目相看，感到很安慰，至於「我最喜愛的女主角」獎，她強調要配合天時地利人和，黎姿說：「我唔係唔想攞女主角，我係會極力爭取，不過都係要睇表現，唔係一套劇話做得好就得。」
鄧萃雯覺得《金》劇是她從影以來最多人讚賞的劇集，她說：「套劇播出至今，我每日都收到好多ＳＭＳ，每日都有人話好睇，無論我行街、喺停車場，男男女女個個都拉住我話好睇。有時真係好感動，真係感動到想喊，不過，我最開心係聽到前輩黃韻詩都有睇。其實我接呢套劇之後，監製叫我學佢啲尖酸，所以我以佢做藍本。」
採訪、攝影：楊潔雯