EK楊永強好快就會離開衞福局局長呢個工作崗位，有傳港大醫學院院長林兆鑫會接任局長一職。林教授噚日出席記者會時話貢獻社會有好多方法，佢喺學術界幾十年，始終覺得喺呢個界別服務社會最適當，言下之意無乜興趣接棒。
EK出席博愛醫院為同佢搞嘅歡送會時亦非常口密，對繼任人問題一律封口。歡送會上，EK露出少少離愁，致謝辭嗰陣眼泛淚光。大會特別安排咗一班長者同小朋友合唱一曲「朋友」歡送EK，佢聽得鬼死咁high，起初喺台下打吓拍子，無幾耐重一時興起走上台上同一班表演人士一齊合唱，唱完歌重以水代酒逐一向每位出席人士致謝。
有消息話老董諗過搵孫公頂，但聽聞孫公冇乜興趣。
（圖）臨別依依，楊永強局長（中）熱情咁走上台，同一班小朋友及長者合唱，重博得小朋友嘅純真一吻。 馬泉崇攝
傳真︰2623-9278
電郵︰