中共十六屆四中全會星期日喺北京閉幕，大會喺公告中用咗八十個字提到港澳問題；台灣大啲，用咗一百零二個字。
本地共報星期一已大字標題話港澳成為咗中共一個「嶄新課題」，八方於是急急搵原文睇吓，亦覺得老江一退，集黨、政、軍大權於一身嘅胡錦濤真係可能想一手「蠟」埋香港個攤，唔信睇番原文。
全會指出：「保持香港、澳門長期繁榮穩定是黨在新形勢下治國理政面臨的嶄新課題。要堅持『一國兩制』、『港人治港』、『澳人治澳』、高度自治的方針、嚴格按照特別行政區基本法辦事，不斷開創『一國兩制』事業的新局面。」短短八十個字可以睇到，回歸七年後，中共最高層終於明白到處理港澳問題唔可能一成不變，或者一部通書睇到老。
傳真︰2623-9278
電郵︰