立法會開鑼在即，秘書處為應付新會期忙到氣咳，點知秘書長馮載祥噚日突然飛走咗，原來佢太太Jenny喺雅典遇上車禍，好彩吉人天相。Ricky當然好擔心，即刻買機票飛去探老婆。
Jenny係電盈大公關，並為傷殘人士奧委會委員，此行係去雅典傷殘奧運幫健兒打氣。據講Jenny喺當地俾架電單車撞到，冇生命危險，但有啲傷，八方希望佢早日康復，歸來一齊睇波。
據Ricky友人講，Ricky希望Jenny可以盡快返香港就醫，而十月六號新一屆立法會首次會議議員宣誓儀式，應該重可以由Ricky負責，暫時未有新安排。
（圖）馮載祥夫妻出名恩愛，成日一齊出席宴會。
傳真︰2623-9278
電郵︰