寶馬山雙屍案發生至今快二十年，當年曾目擊兩名死者伏屍山頭的黃伯，到現在還不時向其他晨運客講述那個觸目驚心的場面。現已七十二歲、被晨運客冠以「寨主」稱號的黃伯說：「我重記得嗰日五點幾上山晨運，睇見對面配水庫旁邊嘅山頭，有兩個剝晒衫嘅人趴喺度，我重以為係時裝店嘅模型公仔，無理到就落山去飲茶。第二日上山晨運俾警察查身份證，先知道原來搞出人命。」
除了打風落雨，每朝都到寶馬山晨運的黃伯，指着當年兇案現場山頭說：「男死者未死之前，我見過佢好幾次，鍾意帶埋本書上山，搵個地方睇書。」黃伯形容男死者樣貌英俊、個子高大，聽聞是個划艇好手，遇害前好像剛去過日本參加划艇比賽。
對於案中其中一名要犯尹三龍將獲釋，黃伯雖然有保留，但他仍認為，「如果死者嘅爸爸都向特首同佢求情，咁都無話可說，但最緊要重係放佢出嚟，唔好再有報復心理。」另一位年逾七十的晨運客陳先生和太太則感慨說：「殺人者雖然年輕，但殺人咁殘忍，被殺者一樣係年輕人。」
記者重返寶馬山配水庫當年兩名死者伏屍的山頭。山頭居高臨下，維港景色盡入眼簾，伏屍地點人迹罕至，土地上長出幾束野花。
本報記者