大狀湯家驊參選期間，一直受可能傳出緋聞嘅傳言困擾，噚晚佢喺商台節目中，終於首次公開談及呢個令人尷尬嘅問題，不過佢對是否有婚外情始終唔表態，只係強調根本冇人知個傳聞係乜，佢都唔知否認乜嘢。
湯大狀幾位戰友都好維護佢，吳靄儀話如果任何人參選前都要交代私人事件就唔係幾公平，而且總會有人質疑係咪已經交代晒所有嘢。梁家傑最抵死，爆出一句唔通湯大狀要為早前雜誌寫佢同「柴灣袁詠儀」嘅事……？幾個人即時哈哈大笑，總之就當冇事發生咁。
其實，呢個時代，緋聞未必一定可殺死對手，克林頓一樣冇事繼續做總統；寶baby重攞嚟講笑，話記者只跟佢去巴黎，又唔跟佢去北京；而最威水嘅係何厚鏵，宣布參選之日，佢竟然敢自爆做咗一啲對唔住老婆嘅事！可見同一問題，各有各拆招，所以用緋聞呢啲卑劣手法大做抹黑文章之人，唔好以為一定掂。
（圖）湯家驊選舉期間一路都傳有緋聞，噚日先終於開口答問題。
傳真︰2623-9278
電郵︰