正當大家擔心老董因後台老江全面引退而地位不保，人哋澳門何厚鏵就堂而皇之上咗北京，喺中南海紫光閣接受總理溫家寶嘅嘉獎，頒發國務院任命狀之餘，重當面讚佢不負中央所託，搞得澳門好掂。
鏵哥又真係抵讚，擺得平各方利益，澳門人嘅生活比回歸前好咗，就冇嘢好講，至於開放賭權，又係非常漂亮，絕不含糊。當然鏵哥最好嘢係唔使中央為澳門操心，溫總日理萬機，要照顧十三億人口溫飽問題，又要打擊貪污腐化，邊有時間成日照顧住特區？澳門今年慶回歸五周年，溫總話會去行吓，到時唔知會唔會經過香港。
又北京剛開完四中全會，江胡高層完成權力交接，活動又如常，最高人民法院院長肖揚噚日喺北京見咗香港首席法官李國能，傾吓加強合作喎。
傳真︰2623-9278
電郵︰