被立法會前議員馮志堅形容為「查死你們」嘅查史美倫，近日正式宣布離任中國證監會副主席一職，好快就有出路。噚日藍籌上市公司德昌電機宣布，委任查太做獨立非執行董事及公司審核委員會成員，任期兩年，酬金每年兩萬美元，若出席額外全體董事會議，每次可額外獲得五千美元，而審核委員每年酬金為五萬港元，計落坐底佢每年可獲二十萬港元，當然，查太唔會志在此區區之數。
查太自從離開中證監後，市場一直估佢會唔會重返香港證監會，皆因佢以前做過香港證監副主席，又有中證監背景，而現任主席沈聯濤嘅任期尚有一年。但從今次佢加入上市公司睇，佢短期內回巢機會細咗，否則冇理由去做上市公司董事，第日若返證監，咪又要辭職？而且唐英年要為競逐下屆特首鋪路，又點會搞大動作，所以話唔埋沈主席會再續約，繼續領導證監。
（圖）查史美倫被藍籌上市公司德昌電機，委任做獨立非執行董事及公司審核委員會成員。
傳真︰2623-9278
電郵︰