呢輪日日估下屆特首，教統局局長李國章一直都有喺名單之上，皆因佢壓得住場，連主教都冇面畀，都算佢有啲膽色。
做得咁好，又係醫生出身，所以有傳老董會搵佢頂楊永強個位；不過，李國章就已經親口講過冇興趣調位。原來阿瑟王做教育做得好開心，佢身邊嘅人話，李國章由中大醫學院院長升至中大校長，又答應老董出嚟做官，都已經好明顯唔想返轉頭搞醫療，何況教改尚未完成，佢重要做母語教學檢討同大學三改四，呢啲年尾都要出台諮詢，點可以半途而廢呢？講完咁多原因，八方都開始相信阿瑟王真係好鍾意份工唔想轉。
傳真︰2623-9278
電郵︰