功能界別選舉，由於焦點全部集中在詹培忠、譚香文、郭家麒身上，其他當選議員幾乎冇人理。八方於是搵資訊科技界贏家單仲偕傾偈，佢就話「贏少當輸」。
單仲偕爭取連任，受到快譯通老闆譚偉豪挑戰，結果真係鬥得好激烈。最後單得票一九四六，僅比譚高出三六八；另一位參選人梁敏儀獲一七六票。
單仲偕話，佢原本的目標係攞五成半嘅票，但結果只得五成二多啲，有啲失望，亦反映對手好強。據八方所知，譚偉豪雖無明顯的黨派立場，但在選舉期間，左派的最高組織仍然好落力為佢拉票，八方有啲老友都收過拉票電話。單仲偕險勝，主要得力於業界前線從業員支持民主，投佢一票，若然只係老闆有資格投票，恐怕已經輸咗。
傳真︰2623-9278
電郵︰