據日本報章《東京sports》報道，廣末涼子自從四月生完囝囝宏志之後，愈來愈定性。佢最近就四圍奔波，為佢嗰位模特兒兼designer老公岡澤高宏物色新經理人，希望老公可以喺藝能界大展拳腳，廣末此舉即被日本傳媒大讚佢係好老婆。另外，有傳日本富士電視台想搵廣末主演明年一月嘅新日劇，佢哋話做人媽咪嘅廣末一定夠晒話題性喎。