王秀琳日前聲稱上月乘坐尹天照順風車返觀塘寓所時，遭對方壓着身體強吻，及後尹天照公開否認有其事。王秀琳前晚終於報警，指控尹天照非禮。阿照得知後大表贊成，並希望警方尋找真相。
王秀琳（Mango）聲稱遭尹天照鹹豬手的羅生門事件成為全城熱話，前晚Mango已報警求助，其經理人公司Elite的發言人Daisy在電話中說：「因為事件交咗畀警方處理，所以我哋唔方便再講嘢。」
對此尹天照昨日在電話中說：「咁重好，等差人去搵真相，好過大家喺度𠵱𠵱哦哦。」不過尹天照表示暫時未收到通知要往差館協助調查或錄口供，他說：「差館應該會搵我嘅，既然佢唔講嘢，我都唔講嘞，等差人做嘢囉。」
而吳啟華昨日在《妙手仁心Ⅲ》拍攝現場力撐尹天照說：「我識阿照，唔覺佢會咁做。我覺得兩個都好慘，男人控制自己有幾難？而女仔有心引誘男人就易好多，否則男人好難做乜。」
另外，陳芷菁和陳啟泰昨日在亞視總台的《偶像媽咪大賽》拜神活動上亦力撐尹天照，陳啟泰說：「如果個女仔俾人非禮會好大反應，冇理由咁耐先講，當係阿照唔好彩。」
陳芷菁說：「我拍《親子情未了》時同阿照合作過，重有好多床上戲，但係佢好規矩，如果嗰個男藝人有心抽水，一定feel到，好似我當年拍《影城大亨》，有個男藝員成日攬住我，又摸我個pat，後來我見到佢都避開佢，重同公司講唔想同佢合作。佢𠵱家重喺呢行，重有劇出街。」
據知在《影》劇曾與陳芷菁有感情線及有親熱戲的是甄志強，甄志強昨日在電話中得悉自己成為鹹豬手嫌疑犯後即笑說：「可能有人見到阿照件事就想博宣傳，借題發揮，我得嗰兩場戲，鹹豬手一定冇。」
而苑瓊丹（苑仔）前晚在一個慈善晚宴上談到尹天照時說：「我同阿照識咗好耐，一定係好人，我成日覺得酒後會亂性，佢係一個大好青年，我得閒會帶佢去做善事，淨化吓！」
採訪、攝影：張止寒、楊潔雯、王崇穎
